Дэлхийн хамгийн үнэтэй 10 ном

Хүн төрөлхтөн үүсэн бий болсон тэр л ахуй цагаас түүхийн үнэт судлагдахуун болж хорвоо ертөнцийг тольдох хосгүй мэлмийг бидэнд заяасан оюуны үнэт өв - дэлхийн сонгодог бүтээлүүдээс энэ удаа “The Economist” сэтгүүл болон “Wikipedia” нэвтэрхий тольд тусгагдсан дэлхийн хамгийн үнэтэй 10 номын тухай танилцуулж байна.

1. “The Leicester Code” - 1500-гаад оны бүтээл

Италийн уран зураач, зохиолч, хөгжимчин, эрдэмтэн гээд зүйл
бүрийн чадвартай түүхэн уран бүтээлч Леонардо да Винчигийн
 шинжлэх ухааны 30 гаруй сор бүтээлээс хамгийн алдартайд
 тооцогддог энэхүү бүтээлийг 1994 онд дуудлага худалдаагаар
 $30.8 сая доллараар үнэлсэн ба одоогийн байдлаар дэлхийн
 хамгийн үнэтэй номд ордог байна. Одон орон судлал, агаар, ус
зэрэг маш олон сэдвийн талаар өөрийн онол, ажиглалтыг бичсэн
энэхүү бүтээлийг Билл Гэйтс худалдаж авчээ.

2. “St. Cuthbert Gospel”

VII зууны үед Латин хэл дээр бичигдсэн шашины номлол бүхий
 халаасны энэхүү ном 138 х 92 мм-ийн хэмжээтэй ба Англо - Саксоны
 гар бичмэлээр үлдсэн цөөхөн эд өлгийн бүтээлийн хамгийн жижигхэн
 номоор нэрлэгддэг юм байна. Европын түүхийн дурсгалт энэ ном
дэлхийн хамгийн үнэ цэнэтэй ном ба 2012.04 сард $14.0 сая доллараар худалдаалагдсан байна.

 3. “Gospels of Henry the Lion”

Дэлхийн хамгийн үнэтэй 10 номын жагсаалтын №3-т 1175 онд
бүтээгдсэн хэмээн үздэг дэлхийд цор ганц байдаг шашины номлол
бүхий эл бүтээл ордог ба тус номыг 1983 онд $11.7 сая доллараар
Их Британий дуудлага худалдааны “Sotheby’s” төвд худалдсан байна. 

4. “The Birds of America”

Тухайн үед Гайтид байсан Францын колонид мэндэлсэн зураач,
байгаль судлаач John James Audubon-ы Америкийн үзэсгэлэн
төгс шувуудын гар зургуудыг багтаасан “The Birds of America” ном
удаах байрт ордог байна. Бодит мэт харагдах шувуудыг 99 х 66 см-ийн  хэмжээтэйгээр дүрсэлсэн эл номыг 2010 онд $10.3 сая доллараар
үнэлсэн байна.Номыг 1827- 1838 онд бүтээгдсэн гэж үздэг ба одоогоор
119 ширхэг байдаг гэсэн судалгаа байдаг аж.

5. “The Carterbury Tales” (1478)

Дундад зууны үеийн Английн нэрт яруу найрагч, зохиолч Geoffrey
 Chaucer-ын XIV зууны сүүлээр бичигдсэн өгүүллэгүүдийн цоморлиг
болсон энэхүү бүтээл 1998 онд $7.0 саядоллараар үнэлэгдэж дуудлага худалдаагаар зарагдсанаар дэлхийн хамгийн үнэтэй номын жагсаалтад
 дээгүүрт ордог юм байна.

6. “First Folio” (1623)

2001 онд $5.6 сая доллараар зарагдсан Английн цуутай зохиолч,
 яруу найрагч Виллиам Шекспирийн “First Folio” буюу комеди, түүх,
эмгэнэлт зохиолын түүвэр бүтээл “The Economist” сэтгүүл болоод
 “Wikipedia” нэвтэрхий тольд бичсэнээр дэлхийн хамгийн үнэтэй
 №6 дахь ном ажээ.

7. “Les Liliacees” 1802

Харин удаах байрт Бельгийн ургамал судлаач, зураач Pierre-Joseph
 Redoute-ийн дээрх бүтээл байдаг бөгөөд энэхүү ном нь 1985 онд
 болсон дуудлага худалдаагаар $5.0 сая доллараар үнэлэгдсэн юм байна.

8. “Gutenberg Bible” (1450 - 1455)

Ариун Библи нь Иудейзм ба Христийн шашины номлолыг
 өгүүлсэн ариун судар, бичвэрийн цуглуулга ном юм. Дэлхийн
 хамгийн анхны хэвлэмэл Библийг Гутеньбергийн Библи
 (1450-аад онд хэвлэгдэж байсан) гэж түүхэнд тэмдэглэн
 үлдээсэн байдаг ба энэ нь 1987 онд $4.9 сая доллараар дуудлага
худалдаагаар арилжигдаж байсан юм.

9. “Geographia Cosmographia” (1462)

Египетэд төрж, Грек - Ромын иргэншилтэй байсан математикч,
 одон орон судлаач, газарзүйч Claudius Ptolemy-ийн тэртээ II зууны
үед Ромын эзэнт гүрний үеийн дэлхийн газрын зургийг буулгасан
энэхүү товхимол 2006 онд $3.5 сая доллараар худалдаалагдсанаар
 жагсаалтын №9-д ордог. Тэрээр Грек хэл дээр бүтээлээ хийдэг
байсан нь Латинаас эхлээд хэд хэдэн хэлээр орчуулагдаж байсан юм.

10. “The Doria Atlas” - 1600-гаад он

Дэлхийн хамгийн анхны хэвлэмэл газрын зураг болох энэхүү 

бүтээлийн тухай тодорхой мэдээлэл хомс байлаа. Ямартаа ч

 2005 оны дуудлага худалдаагаар $2.4 сая доллараар зарагдаж 

байжээ.